По две години пауза вечерва се одржува 14 -то издание на манифестацијата „ Штипска пастрмалијада“ на која се поканета гостите да ги забавуваат хрватската звезда Јелена Розга, како и групите ДНК и Џамбо Агушеви.
Розга пред некој ден преку видео порака повика сите нејзини фанови и љубители на штипската пастрмајлија да дојдат и да се забавуваат „лудо и незаборавно“.
Штипската пастрмалијада не се одржуваше последниве две години поради пандемијата на коронавирусот. Утре, според најавите се очекува да настапат и Тони Цетински, Куку Леле и Зоран Илиев. Буџетот на манифестацијата е 4 милиони денари.
Општината Штип како главен покровител обезбеди 2, 5 милиони денари, а спонзорите 1, 5 милиони денари.
