Познатиот залив Маја во Тајланд, кој се прослави по снимањето на филмот „The Beach“ (2000) со Леонардо ди Каприо, по речиси четири години повторно е отворен за туристи.
Прекрасната плажа на 31 декември прими „гости“ за прв пат од јуни 2018 година кога беше затворена, пренесува „BBC“.
Одлуката е донесена затоа што плажата била посетена од 5.000 туристи на ден пред властите да одлучат да помогнат во заживување на системот на коралните гребени.
Според новите мерки, чамците не смеат да влезат во заливот, а возачите мора да ги оставаат патниците на блиското пристаниште и само осум глисери можат да се закотват истовремено.
View this post on Instagram
Исто така, дозволена е само една посета на час, а бројот е ограничен на 300 лица во една тура, од 10 до 16 часот. Заливот Маја е на еден час возење со брод од Пукет.
View this post on Instagram
Да потсетиме, плажата требаше да биде затворена само четири месеци, но периодот беше продолжен за да им се овозможи на коралните гребени да се опорават од штетата. Покрај повторното поставување на коралите, направени се напори да се спречи ерозијата со повторно засадување дрвја и трева покрај плажата.
View this post on Instagram
