Вереницата на Кристијано Роналдо, Џорџина Родригез, гостуваше на доделувањето на наградите „Џој Авардс“ во Саудиска Арабија.
Манекенката на сцената даде кратко интервју на англиски јазик, а видеото од него сега стана вирално на социјалните мрежи.
Многумина го коментираат изговорот и акцентот на Џорџина кога зборува на англиски.
– Многу сум среќна, јас и моето семејство сме многу среќни поради наклонетоста на луѓето и љубовта од сите вас. Ви благодарам многу – рече Џорџина и додаде дека „мора да оди“, водителката сепак ја запре и ѝ постави уште неколку прашања. Џорџина зборуваше за нејзиниот моден избор, а потоа водителката ја праша за животот во Ријад.
– Ова е сон. Ја сакам Саудиска Арабија, моето семејство и моите деца. Неверојатно е– изјави Џорџина. Иако зборуваше разбирливо, нејзината нервоза или трема беше очигледна, па многумина сега се шегуваат со нејзиниот говор.
View this post on Instagram
„Јас кога зборувам англиски прв пат на час“, „Преслатка е, се гледа дека е нервозна“, „Шпански“, „Веројатно е многу нервозна и не знае многу англиски“, „Луѓе, не пропуштајте часови по англиски“, „Барем пробала“, „Ме потсетува на Вергара“, „Организаторот требаше да ангажира преведувач“, се дел од коментарите под видеото.
