Даниел Крег направи цело интервју со Хавиер Бардем без да сфати дека има исекотина од која тече крв на главата.
Крег и Бардем учествуваа во интернет емисијата на „Variety“ – „Actors on Actors“(Глумците за Глумци), каде зборуваа за улогите во „No Time to Die“ и „Being the Ricardos“.
На крајот од интервјуто кое трае повеќе од 20 минути, Бардем забележа нешто на челото на Крег.
– Да те прашам, пријателе, последното прашање: Што ти се случи тука?, праша Бардем покажувајќи кон челото на Крег.
– Каде? – одговори Крег. „Дали имам сендвич на глава? Дали го направив целото ова интервју – веројатно е дел од сендвич!
Крег се провери во огледало и се врати за да потврди дека станува збор за посекотина.
– Знаеш што беше тоа? Ми испратија светилка во облик на круг и јас ставив „ајпед“, кој го поставив на средина. Ми падна на глава непосредно пред да започнеме!
– Го глумев Бонд 17 години. Не е ни чудо што се повредувам секој пат кога снимам. Ако не се повредам додека снимам, не го правам тоа како што треба, рече Крег покажувајќи кон раната.
Daniel Craig did his entire #ActorsOnActors interview with Javier Bardem without realizing he was bleeding from his forehead: “This is 17 years playing Bond! No wonder I get f–ing injured every time I do a movie!” https://t.co/9KfdQMzY1Q pic.twitter.com/QVc1Td9UX5
— Variety (@Variety) January 24, 2022
