„Вечен е Бог, небото, земјата и спомените“, пишува на фејсбук-профилот на нашата позната водителка Драгица Стефковска-Дракче, сопруга на пејачот Орце Стефковски.
Покрај овие зборови, Дракче објавила фотографија од неа, по тешката битка со лошата болест и операциите за кои отворено зборуваше, и доби голема поддршка од пријателите за добро здравје.
Откако Дракче во октомври повторно беше во болница од каде што објави фотографии, за нејзиното здравје се огласи нејзината ќерка Ане Стевковска-Маневска.
Сопругата на пејачот Орце Стевковски објави фотографија од болница и напиша: „Небото ме поздрави денес со срциња и ангелски криља“.
Потоа ќерка ѝ се огласи на својот фејсбук-профил за да ги извести пријателите каква е состојбата на мајка ѝ: „Мама е добро. Ти благодарам ти Господе! Ви Благодарам на сите за грижата и упатените молитви“, напиша таа на Фејсбук.
Откако во јули беше оперирана, Дракче на Фејсбук напиша: „Јас, вашата Дракче кога ја слушнав мојата последна дијагноза земав лист и пенкало и си напишав протокол за мојот погреб. Потоа го објаснив на моте деца и сакав сè да биде скромно како што сум и самата јас.
И што ако умрам јас од смртта не се плашам затоа што јас ќе продолжам да живеам во срцето на моите блиски“.
