Перо Антиќ е скршен од болка по загубата на својот другар Владимир Блажев-Панчо од „ДНК“ кој почина вчера во болница во Скопје.
Поранешниот кошаркар, сега претседател на Кошаркарскиот сојуз на Македонија на социјалните мрежи, од Панчо се прости со интерниот прекар, џеџуле.
„Почивај во мир братче мое“ напиша Перо Антиќ во една објава. Во друга инстаграм-приказна тој напиша: „Џеџуле едно, не се договоривме вака“, со заедничка фотографија од него и од Панчо.
– Еднаш лежам дома, гледав натпревар дома со кумашинот и гледам Маја (сопругата на Панчо) врти и јас кревам… Ми се јавува џуџето (прекар за Панчо)… Прво нешто што ми кажа: „Кога ќе излезам веднаш ќе направам концерт за нив, за нив сите, за името да трае, за нивните имиња…“ Едноставно Панчо е таков. И побожен и сè. Жално е што ова се случува на добри луѓе во Македонија – рече Антиќ во поткастот на Бојан Јовановски (Боки 13) во јуни.
