Шпанската актерка Хиба Абук одлучи да ја прекине врската со фудбалерот на ПСЖ, Ахраф Хакими, кој е под истрага за наводно силување на 24-годишна жена.
Како што пренесуваат различни медиуми во Шпанија, таа покренала бракоразводна постапка, бидејќи нивната врска веќе извесно време е во криза, со оглед на тоа што имаат различни визии за животот, а се кулминирало откако Ахраф бил обвинет за силување.
Во меѓувреме, француското обвинителство отвори истрага за наводното силување на десниот бек на ПСЖ, откако 24-годишна жена го обвини мароканскиот репрезентативец дека ја силувал во неговиот дом во предградието на Париз на 25 февруари.
View this post on Instagram
Хакими и наводната жртва почнале да се допишуваат во средината на јануари на Инстаграм, а оваа сабота, на 25 февруари, младата жена отишла во куќата на играчот во Булоњ, каде што се случило наводното силување.
Хакими беше во мароканската репрезентација која заврши на четвртото место на Светското првенство во Катар и очигледно бил сам дома викендов, бидејќи неговата сопруга Хиба и нивните две деца беа на одмор во Дубаи.
View this post on Instagram
Адвокатот на мароканскиот играч Фани Колин ја демантираше верзијата на наводната жртва.
„Обвиненијата се лажни, а Хакими е мирен и достапен за правдата“, коментира таа. Од друга страна, неговиот сегашен клуб ПСЖ јавно му покажа поддршка на фудбалерот, бидејќи сметаат дека е невин.
Мароканскиот фудбалер Ахраф Хакими пред две години се пресели од Интер во ПСЖ за 71 милион евра. Оженет е за шпанската актерка со либиско потекло, има два сина и важи за многу побожен фудбалер, но сега минува низ многу деликатен период во животот.
