Џорџина Родригез позираше за шпанското издание на магазинот „Elle“ и во таа прилика проговори за сите настани со кои се соочи нејзиното семејство во изминатата година.
Таа се осврна и на најтешкиот момент кога го загуби новородениот син.
Во октомври 2021 година, Роналдо и Џорџина открија дека очекуваат близнаци. Сепак, нивниот син почина за време на породувањето на 18 април, додека нивната ќерка Бела Есмералда, која сега има осум месеци, преживеа.
– Оваа година ми беше најкомплицирана во животот, најсреќниот момент стана најтажен. Тоа е нешто што ќе ме следи цел живот и што нема да можеме да го заборавиме, изјави таа.
View this post on Instagram
Таа зборуваше и за врската со Роналдо и истакна дека е свесна дека романсата со него и овозможила да си ги исполни соништата. Понатаму објасни дека секогаш ја имала истата страст за секоја работа што ја работи, без разлика дали е чистачка, продавачка или модел.
View this post on Instagram
– Јас сум девојка на најдобриот фудбалер на светот, но нема потреба луѓето, а многу од нив се жени, да го користат тоа на погрден начин, рече таа.
И покрај славата и се што има, таа потсети дека никогаш нема да заборави од каде доаѓа и дека во моментов нема ништо поважно од нејзиното семејство.
