Пејачката Теа Таировиќ конечно си дозволи пауза по напорната работна година и замина на меден месец со сопругот Иван Вардај. Иако се венчаа во мај минатата година, поради бројните настапи и професионални обврски, двојката дури сега успеа да тргне на брачно патување.
По празничните настапи, Теа и Иван отпатуваа во Малдиви, каде што пејачката се огласи преку социјалните мрежи. На објавите се гледа како уживаат на плажа со чаша шампањ, опкружени со луксузот и мирот што ги нуди оваа егзотична дестинација.
Инаку, 2025 година беше исклучително успешна за Таировиќ. Таа одржа бројни концерти низ регионот и објави два албума – „Aska“ и „Aska 2“, чии песни се најдоа на самиот врв на трендинг-листите. Концертите и турнеите беа распродадени до последното место, а интензивниот ритам очигледно сега го замени заслужен одмор.
Судејќи по објавите, Теа успешно ја усогласи кариерата со приватниот живот и моментално максимално ужива во љубовта, мирот и медениот месец од соништата.
