Ламбе Алабаковски се врати во Америка каде што живееше пет години со семејстото, и се огласи од едно уникатно место.
Станува збор за хотелот „Хард рок“ во Флорида, каде што тој со уште неолку пејачи ќе настапи на дочекот на Стара нова година на 13 јануари.
-Здраво на сите, конечно стигнавме во „Хард рок“, во вторник ве плекувам сите, да имаме една прекрасна вечер, 13 јануари. Ве очекувам, заедно да ги испееме најголемите хитови. Се гледаме тука“, вели Ламбе во видеото кое го објави на Инстаграм.
Ламбе во 2021 година со сопругата Магдалена која е битолчанка и со синовите се врати во Македонија и сега живеат во Битола. Пејачот во неколку наврати рече дека се вратиле дома затоа што сакал синовите да му пораснат во Македонија.
-Дома чувството е неописливо со зборови. Благодатно, исполнето, душата на место и секако носталгијата е побиена, ја снема! Среќни сме сите многу , кога си отсутен повеќе време учиш сè повеќе да цениш што е татковина и дом- рече Ламбе кога се врати од Америка.
