На сослушување во јуни, Бритни Спирс пред судот рече дека старателството кое започна во 2008 година е навредливо и понижувачки и побара да му се одземе правото на нејзиниот татко да управува со нејзиниот живот и имот од 60 милиони долари.
Џејмс Спирс побара од судот во Лос Анџелес да го прекине 13-годишното старателство над неговата ќерка и поп-пејачка Бритни Спирс, објавија медиумите во средата.
Таткото на пејачката поднел тужба во август во која рекол дека е подготвен да се откаже од улогата на старател. Во новиот документ, тој бил уште појасен и побарал од судот целосно да го прекине старателството.
Џејмс изјавил дека пејачката „има право судот сериозно да размисли дали е потребно старателство“ и дека нејзините околности се смениле „до тој степен што основите по кои му е доделено старателството можеби веќе не постојат“, објавија американските медиуми.
View this post on Instagram
„Ѝ посакувам сè најдобро, треба да добие шанса да се докаже. Верувам дека сега може да управува со својот живот“, истакнал таткото на Бритни.
View this post on Instagram
На сослушување во јуни, Бритни Спирс пред судот рече дека старателството, кое започна во 2008 година, е навредливо и понижувачки и побара нејзиниот татко да биде лишен од правото да управува со нејзиниот имот од 60 милиони долари.
Судското рочиште за предлогот на Бритни Спирс е закажано за 29 септември во Лос Анџелес.
