Музичката ѕвезда Тања Савиќ уште еднаш покажа зошто важи за една од најомилените пејачки на регионалната музичка сцена. Таа синоќа одржа концерт во Оџаци, а настапот го обележа момент кој ја воодушеви публиката и предизвика бројни реакции на социјалните мрежи.
Само неколку минути откако излегла на бината и го започнала концертот, започнал силен дожд. Иако временските услови можеле да влијаат врз текот на вечерта, Тања не сакала да го прекине настапот. Продолжила да пее и покрај дождот, покажувајќи професионализам и посветеност кон публиката која дошла да ја слуша.
Нејзиниот гест публиката го поздрави со громогласен аплауз, а многу присутни истакнаа дека токму таквото однесување е причината поради која со години е меѓу најценетите изведувачи, пренесува Гранд.рс. Бројни снимки од концертот брзо ги преплавија социјалните мрежи, каде најчесто може да се прочитаат коментари дека Тања уште еднаш потврди каков професионалец е и колку ја почитува својата публика.
Да потсетиме, пејачката пред неколку недели одржа голем концерт во Арена Загреб. Спектаклот во хрватската престолнина привлече голем број обожаватели, а одличните впечатоци од тој настап сè уште не стивнуваат. Со синоќешниот концерт во Оџаци, Тања уште еднаш покажа дека публиката ѝ е секогаш на прво место и дека е подготвена да даде максимум без оглед на околностите.
View this post on Instagram
