Тања Бошковиќ призна дека во младоста била прилично темпераментна, па дури и дека жали за некои свои постапки.
Глумицата истакна дека знаела да биде груба кон луѓето со кои соработувала, но денес, како што вели, чувствува срам поради тоа.
„Вистина е дека низ ходниците на театарот ги бркав и ги тепав балерините, бидејќи не сакаа да вежбаат онолку колку што јас мислев дека треба. И ден-денес ми е срам. Многу ми е срам. Тоа воопшто не е симпатично, напротив. Тоа беше чист безобразлук од моја страна. Бев невозможна личност“, пренесува „Blic“.
„Жал ми е, им се извинувам на сите тие прекрасни девојки кои ги малтретирав, а кои, всушност, ми дадоа многу љубов. Од нив многу научив. Беа добри, беа толерантни кон таа бесна аждаја каква што бев во младоста.“
Тања откри и кога се променила.
„Кога ги родив децата, тогаш го видов Бога. Навистина го видов. Тогаш сфатив дека ништо не можам без него. Сè што се обидов без него – промашив. За големи гревови сум виновна и сфатив дека беше последен момент да почнам да се каам, инаку ќе го уништев и она што Господ ми го подари – моите деца“, истакнала таа.
„Сериозно се запрашав што никогаш повеќе не смеам да правам и што морам да направам. Тоа беше пресвртница. Многу талкав“, заклучила актерката.
