Пејачот Милан Станковиќ со години е речиси целосно отсутен од јавноста. Додека неговите обожаватели сè уште се надеваат на големо враќање на сцената, тој живее повлечено и без никакви навестувања дека повторно ќе се посвети на музиката.
Екипа на терен ја посети населбата во која живее пејачот – елитен, но мирен дел од градот, далеку од метежот, а сепак блиску до центарот. Пред зградата беше забележан неговиот луксузен автомобил, за кој соседите тврдат дека го користи дури и за одење до продавница.
Еден од комшиите без задршка го опиша својот впечаток за Милан.
„Мене секогаш ми делувал надмено. Или влегува во кола, или излегува од нив. Никогаш не сум го видел да шета пеш. Само ќе погледне преку рамо, со некој лут или тажен израз на лицето, и тоа е сè. Како да не припаѓа тука. Да, јавна личност е, познат е, но не е над сите нас. Искрено, не ми се допаѓа таков тип луѓе“, вели соседот.
Друг жител од зградата има поинаков став.
„Сум го видел можеби два или трипати, последен пат пред околу една недела. Тивок е и повлечен. Не би рекол дека е надмен, повеќе ми делува како да е изгубен. На телевизија порано изгледаше многу посреќен. Денес не изгледа така. Искрено, никогаш не би рекол дека е човек што се занимава со јавна работа. Повеќе личи на некој што седи дома и игра игри. Сум чул дека се свртел кон верата, дека посетува манастири. Можеби се заситил од сè. Никогаш не сум го видел со девојка“, раскажува постар жител од улицата.
Млада девојка, која израснала во истата зграда, потврдува дека Милан е присутен, но недостапен.
„Живее тука, но никој не се дружи со него, барем колку што знам. Се поздравуваме кога ќе се сретнеме на влез, но ништо повеќе од тоа. Никогаш не бил проблематичен сосед, нема бучави, нема музика. Порано ја гледав и неговата мајка, таа доаѓаше. Сега не знам дали некој го посетува“, вели таа.
Да потсетиме, во јавноста претходно се појавија информации дека Милан Станковиќ размислувал дури и за замонашување во манастирот Подмаине во Црна Гора, што дополнително ги подгреа шпекулациите за неговото повлекување од естрадниот живот.
