Со вреден спомен во чест на својот сакан, се огласи Наталија Ѓорѓиеска, сопругата на пејачот Андреј од групата „ДНК“, кој трагично загина во пожарот во дискотеката „Пулс“ на 16 март.
Наталија сподели персонализирана слика со циркони која е изработена специјално за Андреј, а до неа пишува:
-Во чест на нашиот непреболен Андреј од „ДНК“. Твојата енергија, твојот глас и твојата насмевка останаа како ехо што никогаш не замолкнува.
Препознатлив, неповторлив, глас што носеше радост, љубов и младешка сила. Секој блесок на цирконите ја раскажува твојата приказна.
Ти благодарам Андреј, што остави трага што свети и понатаму. Оваа слика ја посветуваме на семејството на Андреј и на сите негови обожаватели“, пишува во посветата.
Инаку, Наталија Ѓорѓиеска, љубовта на Андреј од „ДНК“, сподели слика од Панчо, Андреј и Тоше Проески, кој загина токму на 16 октомври во 2007, истиот ден кога Владимир Блажев-Панчо беше погребан оваа година.
Панчо почина по седум месеци поминати во болница, како последица од пожарот во Кочани.
