По цели три децении на естрадата, фолк-пејачот Жељко Шашиќ конечно закажа свој солистички концерт, кој ќе се одржи оваа есен во култната „МТС Дворана“ во Белград.Сопственикот на мегахитовите како „Gori more, tope se planine“ и „Mali je ovo grad“ откри дека неговата ќерка Софија пресреќна му рекла: „Конечно, конечно!“, додека тој признава дека дури сега искрено се поклопиле коцките за ваков чекор.
По долгиот период на јавни скандали, Жељко ги закопа воените секири со поранешната сопруга Соња Вуксановиќ. На прашањето дали таа му се јавила да му честита, пејачот искрено одговори:
„Не, не се јави. Кога ќе се сретнеме, нормално си зборуваме, но сега немаме некој постојан контакт. Сè е во ред.“
Шашиќ додаде дека првите редови во салата веќе се резервирани за неговите пријатели и колеги кои му се верна поддршка низ годините.
Многумина забележаа дека пејачот во последно време постојано носи темни очила, дури и во затворени простории, па тој ја реши и таа мистерија:
„Почнаа многу да ми пречат силните светла. Работиме ноќе, а светлата од камерите и силните блицови од телефоните ми пречат премногу. Еднаш дури и ми се заврте во главата при едно сликање. Најдов специјални стакла кои ми одговараат и тие веќе ми станаа заштитен знак.“.
За крај, Шашиќ се осврна и на новите музички трендови, признавајќи дека денешните млади изведувачи имаат специфичен „Икс-фактор“ и дека успеваат многу брзо да наполнат сали, иако патот до успехот денес е многу поразличен и побрз од времето кога тој ја градел кариерата.
