Откако Џејн Шнек, мајката на покојниот Арон Картер, објави дека се сомнева во неговото убиство заедно со грозоморните фотографии од местото каде што беше пронајдено телото, блиските пријатели на пејачот рекоа дека веруваат дека смртта на Картер, која се случи во ноември минатата година, треба дополнително да се истражи како „потенцијално убиство“.
„Тој секогаш беше параноичен околу тоа дека луѓето го прогонуваат или дека некој го брка“, изјави за Page Six Брајан Кесиди, кој беше близок со Картер во последните три години од неговиот живот.
Тој додаде дека „не сака да покажува со прст“, но истакна дека „некои работи не се поклопуваат“.
Морган Метјуз, кој порано беше менаџер на пејачот, тврди дека Картер бил „околу погрешни луѓе“ и често ја споменувал неговата параноја кога работеле заедно. Тој тврди дека Картер велел дека луѓето го следат и дека треба да избега од градот, а додаде и дека поради тоа неговата куќа е на продажба.
За потсетување, Картер беше пронајден мртов во својот дом во Калифорнија во ноември 2022 година, опкружен со лименки со компримиран воздух и шишиња со апчиња на рецепт. Имаше 34 години.
