Шведската култна група ABBA ја објави третата песна од нивниот долгоочекуван нов албум „Voyage“.
Песната „Just A Notion“ се појави денес наутро и го носи класичниот звук на АББА од 1970-тите.
Ова не е случајно, бидејќи песната е всушност од големата ера на поп групата – првпат е снимена во далечната 1978 година.
View this post on Instagram
Издавањето на „Just A Notion“ следи по песните „I Still Have Faith in You“ и „Don’t Shut Me Down“, кои АББА ги претстави на почетокот на септември – ова е првата нова музика на АББА по речиси 40 години.
Во најавата за новиот албум, групата од далечниот север најави и настап со виртуелна презентација во Лондон, како и новиот албум „Voyage“.
Албумот ќе биде пуштен во продажба на 5 ноември и ќе содржи вкупно 10 песни, вклучувајќи ги и трите кои се објавени досега.
„Don’t Shut Me Down“ веќе е преслушан повеќе од 25 милиони пати на „Spotify“, а „I Still Have Faith in You“ повеќе од 15 милиони пати.
View this post on Instagram
Светски хитови како „Dancing Queen“, „Gimme! Gimme! Gimme!“ и „Mamma Mia“ сега имаат деветцифрен број слушатели на платформите за стриминг.
