За тоа каков викенд нè очекува дознаваме од популарниот временски прогнозер, стружанецот Славчо Попоски.
„Ектремно топлите денови се веќе позади нас и повеќе екстремно топли денови не очекуваме. Од денес, па во текот на следните денови времето во Македонија ќе биде сончево и пријатно топло, со умерена локална облачност. Ќе дува слаб до умерен ветер од јужен и од југозападен правец, и истиот повремено ќе засилува на интензитет на некои места.
За време на викендот, и тоа особено во недела долж Повардарието ветерот ќе го промени својот правец во северен и во северозападен.
Ќе има услови и за локален краткотраен пороен дожд и грмежи, особено за време на викендот“, најавува Славчо.
Минималните температури ќе се спуштаат во интервалот од 11 до 18 степени, додека максималните ќе се искачуваат во интервалот претежно од 25 до 33 степени, а УВ индексот и понатаму ќе има висока вредност (коефициент 7).
Според Славчо, викендов во Скопје ќе дува слаб до умерен ветер, а ќе има услови и за појава на краткотраен дожд и грмежи. Температурите ќе се искачуваат во интервалот од 27 до 30 степени.
