– Во следните најмалку седум денови нашата територија и понатаму ќе се наоѓа под влијание на стабилна, сува и топла воздушна маса од југ. Времето ќе биде сончево, повремено со мала до умерена локална облачност.
Ќе дува слаб до умерен ветер од променлив правец. За време на викендот и тоа особено во утринските часови по котлините и речните долини ќе има појава на магла и ниска облачност. Од недела па натаму ќе биде уште потопло и преку ден, но и наутро. Максималните температури тогаш ќе бидат значително над просекот за овој период од годината и ќе се искачуваат во интервалот од 22 до 28 степени.
Во Скопје и околината продолжува стабилното, суво и сончево време. За време на викендот во утринските часови ќе има појава на магла и на ниска облачност. Температурите ќе се искачуваат во интервалот помеѓу 20 и 24 степени.
