Односот меѓу Марко Јариќ и Адријана Лима повторно е под знак прашалник откако манекенката направи потег кој сериозно може да му наштети. Имено, таа ја продаде вилата во Мајами во која живееше со Јариќ, и со ќерките и бебето се пресели во нова куќа во Лос Анџелес, каде што живее со својот избраник Андре Лемерс, па српскиот кошаркар наводно е очаен зашто ќе мора да поминува по четири илјади километри за да ги види ќерките, пренесува „Story“.
Од продажбата на споменатиот имот манекенката заработила 40 милиони долари. Дел од таа сума вложила во купување на нова вила во Лос Анџелес, која чинела 12,4 милиони долари. Лима ја донела оваа одлука откако на 28 август роди син, од врската со филмскиот продуцент чија работа е тесно поврзана со „Градот на ангелите“. Нејзините ќерки Валентина и Сиена не се противеле на преселбата, па семејството неодамна се всели во новата вила во Брентвуд. Пространата куќа има пет спални соби со исто толку бањи, голема дневна соба, просторија за забава со билијард и пикадо, киносала, сала за вежбање и голем базен во дворот.
View this post on Instagram
Ако се земе предвид дека Лос Анџелес е оддалечен речиси четири илјади километри од Мајами, каде што живее Јариќ кој е многу приврзан за своите наследнички, може да се претпостави дека и тој наскоро би можел да се пресели. Кошаркарот им се доверил на пријателите дека не знае што носи иднината и дека тоа е силен удар за него бидејќи е многу приврзан за ќерките и дека не знае како ќе се договорат со Лима во врска со нивното гледање, а на него и на девојчињата им претстои напорен и тежок период на патување. Поради тоа може да дојде до влошување на односот меѓу Марко Јариќ и Адријана Лима.
Манекенката претходно имаше полни раце работа со бебето, но и со уредувањето на пространата куќа. Таа ангажирала декоратер, но ја осмислила и надгледувала целата работа, па очигледно не се занимавала премногу со планирањето на идните средби меѓу нејзините ќерки и кошаркарот.
Иако новата куќа на Лима никогаш официјално не била ставена на продажба, нејзините пријатели открија дека манекенката со сите сили се обидувала да стане нова сопственичка на вилата, најмногу поради невообичаено големиот имот за овој дел од градот. Нејзиниот избраник најмногу го освоил делот за дружење покрај пространиот базен, со голем отворен бар и скара, а Лемерс е познат во Холивуд по одличните забави во градина кои често ги организира за пријателите. И двајцата биле воодушевени од архитектурата на нивната нова вила, бидејќи нејзината конструкција повеќе наликува на рурална куќа, отколку на околните модерни бетонски згради.
