– До крајот на оваа недела во Македонија ќе се задржи НЕВООБИЧАЕНО ТОПЛО време за овој период од годината и тоа поради влијанието на топлата воздушна маса која продира од југ.
Времето ќе биде претежно сончево, додека од четврток облачноста ќе се зголеми и ќе има услови за локален слаб дожд. Исто така од четврток ќе започне да дува ветер од јужен и од југозападен правец и истиот особено за време на викендот ќе биде ЗАСИЛЕН на интензитет.
Наутро температурите ќе се спуштаат во интервалот од -2 до 5 степени, доека во југоисточните предели истите се очекува да се движат и до околу 10 степени. Максималните дневни температури ќе се искачуваат во интервалот од 14 до 20 степени, а во централните и во југоисточните предели температурите се очекува да се искачат дури и над 20 степени (односно до 22 степени).
Во Скопје и околината продолжува периодот на НЕВООБИЧАЕНО ТОПЛО време за овој период од годината. Ќе биде претежно сончево со повеќе облачност од четврток кога ќе започне да дува и ветер од јужен правец. Температурите ќе се искачуваат во интервалот помеѓу 18 и 20 степени.
Ако состојбата со времето продолжи вака подолг период оваа година ЗНАЧИТЕЛНО ПОБРГУ ќе имаме будење на природата – вели метеопрогнозерот Славчо Попоски.
За повеќе метео информации следете го Фејсбук профилот на Славчо Попоски – ТУКА.
