– Денес и утре ќе бидеме под влијание на ЕКСТРЕМНО топла воздушна маса од Африка и се очекуваат температурите насекаде низ Македонија да надминуваат 30 степени, а во централните и југоисточните предели, особено утре, се очекува истите да достогнат дури и до 42 степени.
Исто така и УВ индексот ќе биде многу висок и ќе има коефициент 8, па затоа на граѓаните им советуваме да се заштитуваат од лошото влијание на сонцето и да пијат што повеќе течности.
Сепак од утре попладне, па за време на викендот времето ќе биде нестабилно и на повеќе места со пороен дожд, грмежи и засилен ветер. Односно, викендов се очекува нагол пад на температурите. Се очекува и локална појава на невреме, па токму поради ова препорачуваме КРАЈНА ПРЕТПАЗЛИВОСТ – вели метеопрогнозерот Славчо Попоски.
