33 C
Скопје
16:25 - 25 јуни, 2024

Сите сопруги на Јосип Броз Тито: Пред Јованка, се оженил за девојченце од Русија

Јосип Броз Тито многу ги сакаше жените, а слободно може да се каже дека и тие него го сакаа. Беше женет четири пати и имаше барем толку љубовници. Претседателот на Југославија имаше добар глас меѓу женскиот пол, го сметаа за привлечен маж, а тој знаеше како да го искористи тоа.

Многумина не знаат дека Јованка Броз не му била единствената сопруга.

Напротив, пред неа тој  многу љубел жени и неколкупати се женел.

Неговата прва сопруга беше Русинката Пелагија Белорусова. Тие се венчаа во јуни 1919 година.

Се омажила за Јосип Броз Тито кога имала само 14 години, а тој тогаш имал 26 години, го запознала како воен заробеник и имале четири деца, пренесува српски Нпортал.

Првото, за жал, починало веднаш по раѓањето, другите две починале малку подоцна, а само четвртото дете преживеало.

Откако Тито бил уапсен во 1928 година поради комунистичка пропаганда, Пелагија се вратила во Русија со нејзиниот син. Откако Тито излегол од затвор, тој ѝ се налутил затоа што го сместила нивниот син Жарко во дом за напуштени деца. Тие официјално се разведоа во април 1936 година.

Вториот брак на Тито следеше во октомври 1936 година во Москва. Поубавата половина беше Лусија Бауер, со вистинско име Ана Коенин. Била мажена за висок функционер на германските комунисти, кој по доаѓањето на Хитлер на власт бил уапсен и осуден на 15 години затвор. Меѓународната организација на Црвениот крст тогаш го организираше заминувањето на неговата сопруга во Москва, каде што го доби псевдонимот Луција Бауер.

Тито се оженил со неа во 1936 година. Тој тогаш имал 44 години, а таа наводно имала 22 години. Недолго по свадбата, Тито отишол „на илегална работа во Југославија“. Тој ѝ праќал љубовни писма, пишувал дека таа е љубовта на неговиот живот, а откако тајната полиција на Сталин ја обвинила дека е германски шпион, Луција била застрелана во московскиот затвор во 1937 година.

Третата среќа ја нашол со Херта Хас, богата Словенка со еврејско потекло, која била 22 години помлада од него. Биографите сè уште не се целосно согласни дали воопшто се венчале.

Некои тврдат дека тоа го направиле во 1939 година во Загреб, други велат дека оваа врска никогаш не била легализирана. Сепак, она во што сите се согласуваат е дека додека Тито бил со Херта имал љубовница, Даворјанка Пауновиќ, која тогаш немала ни 20 години. Во исто време со Херта го доби синот Александар Миша Броз.

Даворјанка Пауновиќ е родена во 1921 година, а за време на студиите на Филозофскиот факултет во Белград, пред војната, се забавувала со Црногорецот Јова Капичиќ. И двајцата беа членови на Комунистичката партија, а важеа за најубав пар.

Така се забавувале околу година и пол, а потоа во март 1941 година Даворјанка добила задача од комунистичката партија да оди во Загреб со Јосип Броз Тито. За тоа патување тие денови не смеела ништо да му каже на саканиот, освен дека си заминува.

Војната започнала, а двајцата вљубени повторно се сретнале на почетокот на јануари 1942 година. Јово Капичиќ му поднел извештај на Тито за поразот на четата што ја водел. Тогаш првпат во животот го видел Јосип Броз Тито, а кога се отворила вратата од неговата канцеларија – низ неа се видела и Даворјанка.

Тој бил среќен што е жива и што е таму, но веднаш по тој извештај, тој морал да се врати во единицата. Се виделе уште еднаш два месеци подоцна, во Фоча.

Таа договорила да се видат вечерта, на еден од мостовите во Фоча, а кога дошла на договорената средба, во шамивче му донела подароци – кутија цигари, запалка, сапун, чешел.. Се прегрнале. Неколку дена подоцна, Капичиќ повторно бил во Фоча.

Даворјанка, која беше 29 години помлада, беше со Тито во текот на целата војна. Некои шепкаа дека таа водела љубов толку гласно што на борците им било непријатно од липањето и воздишките што доаѓале од шаторот на Тито. Таа имала големо влијание врз него, а во моментот на слетувањето на Германците на Дрвар, дури и го убедила да им се предаде на Германците, заедно со неа, бидејќи ситуацијата изгледала безнадежна. Дури кога Сретен Жујовиќ му се заканил дека ќе го убие, Тито се откажал од предавањето, пишува Стил.

Даворјанка Пауновиќ умрела од туберкулоза во пролетта 1946 година. Според наредбата на Тито, таа била погребана во просторот на Белата палата затоа што тој сакал да биде блиску до него дури и мртва. Тогаш кружеа приказни дека секој ден плачел над гробот и секое утро ѝ носел црвена роза.

Истата година, членовите на военото обезбедување ја донеле Личанката Јованка Будисављевиќ на средба со него.

Јованка Будисављевиќ беше 32 години помлада од Тито. Се запознале на Дрвар, а подоцна ја донел во својата канцеларија каде ја вработил како домаќинка.

Некои извори тогаш тврдеа дека Јованка е политички наместена за Тито за да го смири, бидејќи тој наводно бил прилично ненаситен кога се во прашање жените. Нејзината сестра Нада Будисављевиќ секогаш тврдеше дека Тито ја сака и ја цени Јованка, а и таа го сака него.

Тито и Јованка се венчаа во април 1952 година, а на почетокот речиси никој не знаеше дека се венчале бидејќи свадбата била тајна. Церемонијата се одржала недалеку од Илок, во вилата на Тито покрај Дунав, во тесен круг луѓе.

Тие двајца немале деца. Иако се шпекулираше дека тие официјално се развеле на крајот на 70-тите години, Јованка Броз останала со Тито до неговата смрт во 1980 година. И додека нивната врска изгледаше хармонична однадвор, тоа не беше идила, особено не во 1970-тите. Јованка во последните неколку години од животот наводно не го ни видела сопругот.

Во 1978 година дури и британскиот амбасадор сфатил што се случува и испратил порака до Лондон во која пишувало: „Тито е сосема сам!“ Ниту сопругата, ниту неговите пријатели повеќе не беа со него, а наскоро следеше распаѓање на она што тој го создаде – Социјалистичка Федеративна Република Југославија.

(Фото) Ричард Гир со сопругата Алехандра блеснаа на црвниот тепих во Кан: Годините се само бројка

 

 

 

 

 

Слични објави

Јелена Карлеуша искрено за односот со Душко: „Кармички, немам мир во животот…“

еспресо

(Видео) Длабоко деколте и шлиц до колкот: Ќерката на Харис Џиновиќ во никогаш попровокативно издание

Еспресо

(Фото) Ситно брои до породувањето: Бремената водителка на „Ѕвездите на Гранд“ живее во невиден луксуз

Еспресо

(Видео) Девојките не му даваат мир на убавиот син на Драгана Мирковиќ: Се појави снимка од клубот, еве како реагира Марко…

Еспресо

(Видео) Здравко Чолиќ ги остави сите подзинати: „Каква енергија за човек кој има 73 години“

еспресо

Јована Јеремиќ со плачлив глас: „Ако на Драган нешто му се случи…“

еспресо
Се вчитува....