Една од најголемите и најконтроверзните љубовни приказни на српската естрада е онаа на пејачката Гоца Божиновска и „жестокото момче“ од белградското подземје, Зоран Шијан. Иако поминаа многу години од неговото убиство, Гоца неодамна во емисија на телевизија „Курир“ откри морничав детал од својот живот кој ја остави јавноста во неверување.
Пејачката раскажа дека на еден нејзин настап ѝ пристапил маж кој бил многу упорен во додворувањето, но вистината ја дознала многу подоцна.
„Пеев, а ми се додворуваше некој за кого подоцна слушнав дека побегнал од земјата веднаш штом го убија Шијан. Го видов на телевизија и сфатив дека го познавам… Ми велеше дека сум убава, дека сè ќе помине“, се присети Божиновска.
Таа додаде дека за неа нејзиниот сопруг никогаш не бил „опасен криминалец“, туку човек кој никого не повредил, иако медиумите го портретираа поинаку.
Гоца и Зоран се запознале во 1989 година на плажа во Херцег Нови, во друштво на пејачката Злата Петровиќ. Иако не размениле броеви, Шијан ја чекал на аеродромот по нејзиното враќање од одмор, ја запросил по втората заедничка вечера, а таа веднаш прифатила.
Нејзиното семејство дури и ја заклучувало дома за да го спречат бракот, но Гоца била решителна.
Иако никогаш официјално не се венчаа во општина, тие живееја во вонбрачна заедница во вилата во Сурчин, каде пејачката престојува и денес. Од оваа врска ги имаат децата Зорана и Мирко, кои често го посетуваат споменикот на својот татко, кој беше убиен во Белград под неразјаснети околности.
