Вештачката интелигенција повторно ги шокираше фановите на поп-фолк музиката, а овој пат главна мета е бугарскиот пејач Азис. На социјалните мрежи се појавија компјутерски генерирани слики на кои пејачот е претставен како лидер на политичка партија со име „Ледена Бугарија“, пишува „Хот арена“.
Името на неговата измислена партија е инспирирано од неговиот најголем хит „Ледена кралица“. На изборниот постер кој стана хит на интернет, Азис позира со круна на главата и е полугол, гордо покажувајќи ги своите нови гради.
Главниот слоган на неговата „кампања“ е повеќе од провокативен: „Нови гради за сите“, а на постерот стои и симболичниот број за преференција – 69.
Иако станува збор за обична шега направена со помош на технологијата, коментарите под објавата се урнебесни. Многумина од неговите фанови се шегуваат дека ако Азис навистина се кандидира со вакви ветувања, актуелниот претседател Радев не би имал никакви шанси за победа.
