Пејачот Шако Полумента во едно телевизиско гостување изненади дел од јавноста со отворени изјави за својот брак, но и за љубовните афери, тврдејќи дека неговата сопруга била запознаена со сите негови изневерувања.
Тој зборуваше за периоди на прекин во бракот, како и за неговите приватни односи надвор од брачната заедница, по што изјавите набрзо предизвикаа реакции на социјалните мрежи.
Во текот на гостувањето, Полумента изјави дека имал повеќе љубовници и дека, како што тврди, неговата сопруга знаела за секоја од нив.
„Имав многу љубовници, тоа го знае мојата жена. Ние четири години не бевме заедно. Од 1995 до 2010 бевме заедно, но ставивме точка“, изјави тој, додавајќи дека во тој период биле разделени.
Тој наведе и дека никогаш не им кажувал дека е оженет.
Полумента истакна дека, и покрај сè, неговата сопруга ја смета за најважна личност во неговиот живот.
„Не сакам да ја понижам мојата жена, таа за мене е нешто свето. Имав љубовници и по 2010 година, не се каам, ми беше убаво. Во тој момент нешто не функционираше, но таа е жена на мојот живот“, изјави пејачот.
Тој додаде дека со некои од поранешните партнерки и понатаму се гледал и разговарал.
Во истиот контекст, Полумента се осврна и на проблеми што ги имал во текот на кариерата, наведувајќи дека се соочувал со притисоци и закани поврзани со таканаречена естрадна мафија.
Тој тврди дека одбивал уцени и поради тоа имал потешкотии со настапи на одредени места.
„Естрадната мафија владее, само е прашање кого ќе таргетираат. Не дозволив никој да ме уценува, па се повлеков и настапував претежно во дијаспората“, изјави тој.
Полумента додаде дека, според неговите тврдења, бил изложен и на закани кон неговото семејство, но дека не попуштил под притисок.
„Ги споменуваа моите деца, имаше закани… но не се предадов“, изјави пејачот, заклучувајќи дека успеал да ја зачува својата позиција на музичката сцена.
