Понеделникот започна со контроверзии бидејќи беше објавено дека Шакира го дава своето прво интервју за „Ен Пунто“, ТВ-емисија на мексиканскиот канал Лас Естрелас, повеќе од половина година по нејзината разделба со Жерар Пике. Интервјуто доаѓа по нејзините четири песни против Пике и неговата нова партнерка, Клара Чиа.
За целото интервју ќе треба да почекаме до денес вечер, кога интервјуто ќе биде целосно емитувано, но уредниците на програмата споделија краток преглед со кој можеме да видиме дел од изјавите на колумбиската суперѕвезда.
„Во пеколот има место резервирано за оние жени кои не ги поддржуваат другите“, изјави Шакира за Ен Пунто.
„Подготвена сум за следната рунда, нека навали животот и нека ми покаже што друго ми спрема“.
.@shakira conversa con @Enrique_Acevedo en #EnPunto. En vivo a las 10:30 de la noche por @Canal_Estrellas y en el canal de streaming de N+: disponible en @VIX y https://t.co/UFPlc4Ostu pic.twitter.com/gIHRulCTkF
— NMás (@nmas) February 26, 2023
Контроверзните стихови на нејзините најнови синглови „Te felicito“, „Monotonía“, „Music Session #53“ и „TQG“, заедно со ова последно интервју, нè наведуваат да веруваме дека пејачката нема да молчи и ќе изнесе на виделина нови детали за најозборуваното раскинување во последно време.
„Отидовме во Барселона да разговараме за нејзината музика и за текстовите, моментот низ кој минува во кариерата и што е следно во нејзиниот живот“, рече новинарот постирајќи фотографија на која позира со Шакира на својот Инстаграм профил.
Сега ќе треба малку да почекаме и да видиме што ќе каже пејачката за Жерар Пике и Клара Чиа.
