Со недели се очекуваше новата песна на Шакира против Пике, која беше најавена дека ќе излезе на неговиот (и нејзиниот роденден), вчера, на 2 февруари.
Познато е дека на новата одмазничка песна Шакира работеше со колумбијската колешка Карол Џи, и брзаа за да ја промовираат на 2 февруари, датум на кој и Шакира и Жерар Пике го слават својот роденден.
Сепак, во последните неколку дена почнаа да се појавуваат гласини за промена на плановите и наместо со Шакира, во четврток (вчера) беше објавена соработката помеѓу Карол Џи со Ромео Сантос, наречена „X si volvieras“.
Но, зошто песната на Шакира и Карол Џи не беше објавена на роденденот на Пике?
Една од најочигледните причини за одложувањето е тоа што сè уште има последици од земјотресот предизвикан од Шакира со објавувањето на првата одмазничка песна „BZRP Music Sessions #53“.
Извори на ѕвездата објаснуваат дека „сè уште е рано да се обидеме да се натпреваруваме со овој светски хит, а дискографската индустрија смета дека е потребно да се почека малку до лансирањето на нова песна со надеж дека на таков начин ќе се добие нова „бомба“ против Пике“.
Но, тоа не би била единствената причина. И Карол Џи има свои причини: не може повеќе да се чека на објавувањето на нејзиниот албум, закажан за крајот на овој месец. Затоа, синглот со Шакира и албумот на Карол Џи, сега се планира да ги издадат во ист ден, или со разлика од еден ден помеѓу двете промоции.
Shakira and Karol G will team up to ruin Piqué’s birthday: They assure that the new “Revenge” song will be out on February 2nd and that the divas have been working 15 hours a day on the videohttps://t.co/LIRplnJwF1#EntertainmentNews pic.twitter.com/D9xjghpLUk
— NowMyNews (@NowMyNews) January 25, 2023
Она што е сигурно е дека песната ќе биде повторно „жестока и против нив“, порака до Пике, бидејќи Карол Џи е позната како „експертка за инает“, а таа го создала текстот. Сепак, сè останато околу снимањето е апсолутна тајна.
И делото со Ромео Сантос и она со Шакира ќе бидат вклучени во албумот „Mañana será bonito“, од кој веќе се објавени сингловите „Gatúbela“ и „Cairo“, пренесуваат шпанските портали.
