Хрватската пејачка Северина упати божиќна честитка до сите Срби и верници од православна вероисповед, цитирајќи ги зборовите на покојниот патријарх Павле.
Таа се обрати преку „стори“ на својот Инстаграм профил и го посака следново:
„Им посакувам на сите верници на православната вероисповед среќен Божиќ“.
Потоа таа ги сподели зборовите на патријархот Павле.
„Човек не може да го избере времето во кое ќе се роди и живее. Не зависи од него од кој родители или од која нација ќе се роди, туку од него зависи како ќе постапи во дадено време: дали како човек или како нечовек, без разлика од која нација е и од кои родители“ – цитираше таа.
Да потсетиме, Северина неодамна на плоштадот во Котор ја отпеа бројката „Иванова корита“ и им порача на Црногорците: „Не ја давајте ја Црна Гора“, со што предизвика лавина критики и реакции.
