Селена Гомез првпат се појави на насловната страница на списанието Ролинг Стоун и преку интервјуто допре до лични теми.
Пејачката и актерка призна дека најверојатно нема да може сама да носи дете поради лековите кои ги зема за да го контролира биполарното растројство. Во исто време, Селена истакна дека „убедена сум дека, како и да е, морам да имам деца“.
Гомез проговори и за психозата која ја претрпела во 2018 година, по што и било дијагностицирано биполарно растројство.
View this post on Instagram
Славната личност рече дека тогаш слушала гласови и се сеќава само на фрагменти од тоа време. Таа помина неколку месеци параноично во медицинска установа, не можејќи да верува никому. Нејзините пријатели подоцна ѝ кажале дека во овој период била непрепознатлива.
– Ми требаше многу напорна работа за да прифатам дека имам биполарно растројство и да научам како да се справувам со него бидејќи тоа нема да исчезне, изјави Селена во интервјуто.
30-годишната Гомез исто така призна дека е многу вознемирена од неисполнетите планови во нејзиниот личен живот, особено мислејќи дека ќе се омажи на 25 години и ќе има многу деца.
Пејачката индиректно ја допре темата за врската со Хејли Бибер, сопругата на нејзиното поранешно момче Џастин Бибер. Фановите на Селена често ја малтретираа Хејли на интернет, како што неодамна откри Бибер во подкаст. После тоа, Гомез им се обратила на своите обожаватели на TikTok за да ја смири ситуацијата.
