Познатата пејачка Емина Јаховиќ во своето најново искрено интервју откри како се чувствувала за време на разводот од турската музичка ѕвезда Мустафа Сандал. Емина и Мустафа се разделуваа пред неколку години, а по нивното разделување следуваше и судски процес за алиментацијата.
Денес сите односи се регулирани и Мустафа ги исполнува своите обврски, а Емина сега ја отвори душата и раскажа како изгледал денот кога двајцата решиле да ги потпишат документите за развод.
Смеа како бегство од стресот
Јаховиќ откри дека таа и нејзиниот поранешен сопруг биле под толку голем стрес што цело време се смееле додека оделе кон судот.
„Мојот поранешен маж и јас се разведовме на чуден начин. Бракот ни беше во криза цели три години. Беше некој датум во мај. Ме праша што да облече, како да спрема настап за сцена. Јас исто така бев убаво облечена поради медиумите и целото внимание, но цело време се смеевме. Имаше премногу тензија и стрес, па веројатно преку смеата ги исфрлавме емоциите. Заедно заминавме на тој официјален развод, а кога се вратив дома, настакна молк“, раскажа пејачката.
Празнина по враќањето дома
Сепак, кога се вратила во својот дом, почувствувала огромна празнина и болка.
„Домот беше целосно празен, децата во тој момент беа кај него. Куќата која порано беше исполнета со топлина, одеднаш доби сива боја. Набрзо се преселив во нов дом бидејќи повеќе не можев да останам таму. Во новиот простор започнав сè од почеток, со нови бои и нови планови. Тогаш сфатив дека сè што градев се сруши и исчезна. Беше тешко, не затоа што сè уште имаше љубов, туку затоа што разводот сам по себе е огромна траума која ве погодува кога сè ќе заврши. Најмногу ми беше жал за децата“, додаде таа.
За потсетување, Мустафа денес е во брак со Мелис Сутшуруп, додека Емина по разводот имаше врска со милијардерот Садетин Саран, која заврши. Емина и Мустафа од нивниот брак ги имаат синовите Јаман и Јавуз.
