Невидена трагедија се случи утринава во основното училиште „Владислав Рибникар“ кога 14-годишно момче уби чувар, рани наставник, а продолжи со крвавата треска околу училиштето, при што си ги уби другарите.
Дури осум ученици го загубија животот на страшен начин, што длабоко ги потресе сите граѓани на целиот регион, но се огласија и познати личности од регионот за трагедијата во Белград.
Бројни познати личности преку социјалните мрежи им изразија сочувство на семејствата на загинатите, а на Твитер српскиот музичар Владо Георгиев се осврна на трагичниот настан со свое мислење.
Prije sto godina je puška u svakoj kući visila kod ognjišta, pa nikad nije dijete uzelo i ubijalo po selu!
Nego nije bilo Tic-toc, rijaliti, promocije nasilja, pucačkih igrica,
radio je prut i djecu je vaspitavao onaj koji ih je i napravio.Danas bi djecu da vaspitava NVO
— Vlado Georgiev – Barba (@VladoGeorgiev) May 3, 2023
– Пред сто години во секоја куќа висеше пушка покрај огништето, па никогаш дете не ја земало и да убива низ селото. Но, немаше ТикТок, реални шоуа, промоција на насилство, игри со пукање, дури и прачката ќе „проработеше“ и децата ги воспитуваше тој што ги направил – посочи Владо и додаде:
-Денес децата би ги воспитувале невладините организации.
По лавината дискусии околу неговиот твит, пејачот јасно стави до знаење што според него довело до овој страшен крвав настан.
– Затоа што се борите родителот да не смее да го крене гласот на своето дете. Ете затоа, заклучи Владо во својот твит.
