Популарната пејачка Анѓела Игњатовиќ Бресквица вчера наводно добила забрана за влез во Косово.
Бресквица требала да одржи концерт во Косовска Митровица, но припадниците на полицијата во Косово и Метохија не ѝ дозволиле да го помине административниот премин, пишуваат српските медиуми.
Таа беше вратена од административниот премин, што автоматски доведе до откажување на планираниот настап.
Причината зошто не ѝ било дозволено да влезе во Косово не е позната. Бресквица се огласи во оваа пригода и им се обрати на своите обожаватели од Косово.
– Драги мои граѓани на Митровица, сакам да ви се заблагодарам што одвоивте време да се дружиме и да пееме заедно. За жал, мојот бенд и јас не го поминавме административниот премин и нема да можеме да пееме вечерва. Но, сигурна сум дека ќе има можност и дека наскоро ќе се спријателиме. Ќе ве известам за новиот датум. Дотогаш, ви испраќам најголеми поздрави и бакнежи. Вашата Бресквица многу ве сака – рече пејачката.
