Снимањето на музичкото шоу „Ѕвездите на Пинк“ продолжи вчера, а членката на жирито Јелена Карлеуша беше меѓу првите што пристигнаа на снимањето.
Јелена се појави на снимањето во необичен стајлинг. Имено, мрежести хулахопки и беж трико со реси ја откриваа нејзината совршена фигура.
Сепак, тоа не беше крај. Јелена се појави со нова фризура во розова боја, а на главата имаше необични рогови кои очигледно само таа може да ги носи.
Таа се осврна и неодамнешната тажна вест за смртта на Халид Бешлиќ.
– Не го познавав, но имам голема почит кон легендата на народната музика и кон некој што остави зад себе голем број хитови. Жал ми е, имав слична борба во мојата куќа, со мајка ми. Кога слушнав дека е болен, знаев како ќе помине. Се вклучив, прочитав повеќе вести за него и за жал се случи тоа. Време е да зборуваме повеќе за болеста рак што ја уништува нашата планета. Се занимаваме со секундарни работи, а изумираме како вид од рак. Во моментов е на ниво на епидемија, буквално не познавам семејство кое нема член со некаков облик на рак. Тоа треба многу да нè загрижи бидејќи велат дека секој трет човек се разболува, десетмина сме во оваа просторија, што значи дека тројца ќе… Тоа е ужасна работа – рече пејачката пред собраните медиуми и додаде:
– Сочувство до семејството, знам низ што минуваат сега и можам само од искуство да претпоставам низ што поминале. Единственото нешто што можам да направам е да им покажам голема поддршка на сите што минуваат низ тоа, бидејќи тоа е екстремна борба и за лицето кое се лекува и за целото семејство кое минува низ тоа со него.
