Познатиот српски пејач Саша Ковачевиќ на еден музички настан во Белград искрено прозборе за убавите моменти од приватниот живот и за тоа како ги минува деновите во очекување на својот прв наследник. Неговата сопруга Зорана е во поодмината бременост, а пејачот не ја крие среќата и возбудата пред пристигнувањето на новиот член во семејството.
Иако поради згуснатиот распоред и честите патувања од град во град во последно време е прилично ненаспан, Саша истакна дека насмевката не му симнува од лицето откако е во брак.
Тој откри дека кога е во Белград, 24 часа дневно е до својата сопруга и со многу љубов ги следи сите нејзини промени:
„Се радувам на секој ден. Поминувам многу време со Зока овие денови, кога сум во Белград заедно сме 24 часа. Го следам секој чекор на бебето бидејќи се мрда во 3 или 4 наутро, тоа се некои чудни потези“.
Пејачот додаде дека подготовките за детската соба ќе започнат од септември или октомври. Што се однесува до името на момчето, тој и Зорана веќе имаат неколку омилени опции, но сè уште ја немаат донесено конечната одлука.
