Николина Вујчиќ (24), медицинска сестра од Чикаго, е новата претставничка на Србија на изборот за Мис Универзум.
View this post on Instagram
Жирито ја прогласи за победничка меѓу 16 финалистки, а од самиот почеток на натпреварот се сметаше за една од фаворитките. Вујичиќ работи во педијатриската итна служба, a по потекло e од српскиот град Драгово.
Николина има јасни планови за иднината, а тие се поврзани со нејзината професија. Своите амбиции неодамна ги открила за „Сербиан тајмс“.
„Планирам да ги продолжам магистерските студии во областа на едукацијата за медицински сестри, а потоа дополнително да се специјализирам во областа на лекување на неплодност. Мојот сон е да отворам инклузивна клиника каде што ќе им помагам на жените на патот кон мајчинството“, изјавила таа.
Победата на националниот избор не е нејзино прво искуство на изборите за убавина. На 18 години станала Мис Дес Плејнс Тин САД, а учествувала и на изборот за Мис Илиноис Тин САД. Тогаш се пласирала меѓу 15 полуфиналистки и ја освоила наградата „Спирит авард“.
View this post on Instagram
Уште тогаш најавила дека повторно ќе се обиде на натпреварите за убавина, а неколку години подоцна се врати и ја освои националната титула.
„Тоа беше моето прво сериозно натпреварување, но сигурно не и последно. Планирам наскоро повторно да се натпреварувам“, рекла тогаш за „Журнал енд тропикс“.
Во истиот разговор, таа истакнала дека сака да се посвети и на кревањето на свеста за ретките болести кај децата.
View this post on Instagram
