Хрватската музичка ѕвезда Нина Бадриќ во саботата одржа концертен спектакл во Античкиот театар во Охрид. Уживањето и на пејачката и на публиката беше уште поголемо бидејќи Бадриќ првпат настапува во Охрид. Како што впрочем самата нагласи на Инстаграм – „првпат ќе пее во магичниот Охрид, под ѕвездите во Античкиот театар“.
View this post on Instagram
Воодушевената Нина го искористи престојот и за прошетка, па не криеше колку е воодушевена од македонскиот бисер.
Таа објави и серија фотографии на својот профил на Инстаграм.
„Утре првпат пеам во вашиот магичен град и не можам да ви опишам колку се радувам на оваа средба! Под ѕвездите, во прекрасниот Антички театар, заедно ќе ги пееме песните што растеа со нас, нè сакаа, нè повредуваа и нè лекуваа. Охрид, чувај ми едно посебно место во твоето срце“, напишала Нина.
Пејачката прошетала и на Свети Наум, се напила вода таму и го нарекла рај и искуство што ретко се доживува.
„Свети Наум е прекрасен манастирски комплекс и излетничко место покрај езерото, на околу 30 километри јужно од Охрид, во близина на границата со Албанија.
Познат е по манастирот „Свети Наум“, изворите на Црн Дрим, пауните кои слободно шетаат низ комплексот, како и прекрасниот поглед кон Охридското Езеро.
Водата е толку чиста што може да се пие, а истовремено е исклучително богата со кислород.
Овој национален парк е вистински рај и нуди доживување какво што ретко се доживува…
Свети Наум е нереална убавина.“, напиша Нина на Инстаграм.
View this post on Instagram
