Откако Жељко Митровиќ донесе одлука да го расформира театарот „Одеон“ и да им подели откази на вработените, главното прашање за јавноста беше каква ќе биде судбината на Сања Маринковиќ, која беше задолжена за ПР тимот на театарот.
Сега, преку Инстаграм се огласи Милица Митровиќ, најавувајќи нов проект – серијата „Наследство“, која на „Пинк“ ќе почне да се емитува од 1 декември.
Особено внимание привлече тоа што во објавата со која ја претстави серијата ја означи и Сања Маринковиќ, што потврдува дека популарната водителка е дел од тимот кој работел на оваа продукција.
Серијата е целосно реализирана во продукција на „Пинк“, што јасно покажува дека Сања останува во телевизијата и дека е ангажирана на нови проекти, и покрај претходните шпекулации за нејзиниот наводен отказ по гасењето на театарот.
Инаку, меѓу првите кои добија отказ во театарот беа членови на актерскиот ансамбл.
Да потсетиме, Жељко Митровиќ го затвори Театар „Одеон“, еден од неговите понови проекти, и отпушти десетици вработени.
Сања се огласи и истакна дека не смее да дава изјави во врска со затворањето на „Одеон“, бидејќи, како што вели, се чека официјално соопштение од Митровиќ.
„Ако ме барате за Одеон, не смееме да се огласуваме додека Жељко не даде соопштение. Тој наскоро ќе се огласи и ќе објасни сè, не грижете се. Многу радо би дала изјава, но сега сè мора да оди преку Пинк Медиа Груп и не смееме ништо без нив“, изјави водителката за „Блиц“.
