Најнежната честитка за роденденот на својата ќерка, ја објави продуцентот Александар Митевски. Тој сподели фотографија со својата Мања кога била мала, со роденденска торта.
Иако Мања е сега веќе возрасна, пејачот и автор носталгично се сети на времето кога била дете и ѝ посвети посебна песна: „Живиш у облацима“ од Здравко Чолиќ.
Инаку, Александар Митевски во кругот на најблиските ја прослави домашната слава Свети Архангел Михаил. Со своите ќерки, Ања и Мања, сопругата Ана и нивното милениче во домашна атмосфера ги пречекале своите драги гости.
Сопругата на Александар Митевски е позната уметница и успешна во својата работа.
Митевски е актуелен со хитовите и настапите со актерот Драган Спасов-Дац со кој настапува како дуото Дац и Александар.
На 21 септември, Митевски и неговата сопруга прославија 25 години брак.
„Поминаа 25 години. Ана и Александар слават 25 години брак. Заедно со ќерките Ања и Мања“, напиша Митевски тогаш на Фејсбук.
