Сите имаме симпатии како деца, но ретко кога се случува таа љубов да се оствари кога ќе пораснеме. Џејсон Момоа е редок исклучок кој успеал токму во тоа. Имено, кога имал само 8 години, Џејсон за прв пат ја видел актерката Лиса Бонет на телевизија. Тогаш тој се решил дека ќе ја освои и ќе се ожени со неа во одреден момент.
Во текот на осумдесеттите години, Лиса Бонет била една од најголемите телевизиски sвезди. Серијата „The Cosby Show“ во која играше беше обожавана од милиони, а меѓу нив бил и идниот холивудски актер Џејсон Момоа. Иако е 12 години постара од него, Џејсон верувал дека таа е неговата судбина.
„Отсекогаш сум сакал да ја запознаам. Таа секогаш беше кралица за мене”, откри Џејсон во едно интервју.
Години подоцна, сонот се остварил
Во 2005 година, Џејсон случајно ја запознал Лиса и не сакал да ја пропушти можноста за која сонувал со години. Лиса била фасцинирана од неговата посветеност кон неа и погледот полн љубов што ѝ го упатил.
„Љубовта се роди во тој момент и стана голема, а тој не избега како што мислам дека повеќето мажи бегаат. Практично ме крена и ме пренесе преку рамото, како некој пештерски човек”, открива Лиса.
Нивната врска започна кратко по првата средба, но тие се венчаа дури во 2017 година, 12 години подоцна
Џејсон ја прифати нејзината ќерка Зои, која Лиса ја има со поранешен сопруг Лени Кравиц со кој тој стана добар пријател. Лиса има двете деца со Џејсон, ќерка и син.
И по вкупно 15 години љубов, Момоа секој ден размислува како може да ја израдува својата сопруга. „Мојата сопруга е моја кралица. Ако се однесуваш кон својата жена како божица, се грижиш за неа и ја поддржуваш, ќе бидеш среќен човек”, рече Момоа.
И Лиса е навистина среќна жена. Таа признава дека дури и по сите овие години, сè уште се чувствува како да е на седмото небо во неговата прегратка.
„Тој е алфа маж кој ќе направи сè за семејството и љубовта. Тој е ретка форма на вистинска мажественост во денешно време, тој е лидер, но исто така е многу дарежлив и нежен”, вели Лиса за нејзиниот сопруг.
Извор: „stil.kurir“
