Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
(РЕЦЕПТ)ГОТВИМЕ СО ТЕА: Нема подобро филмско мезе од мексикански чипс!
Теа денес ни подготви мисиркин ролат полнет со суви домати и моцарела, збогатен со крем сирење.
Потребни состојки:
▪️ 800 грама мисиркино филе
▪️ 125 грама моцарела
▪️ 150 грама крем сирење
▪️ суви домати
▪️ 2 лажици мед
▪️ масло за јадење
▪️ сол и црн бибер
View this post on Instagram
Приготвување:
1. Ставете најлонска фолија на штица и убаво исчукајте го мисиркиното филе, за да биде тенко и да може да се завитка.
2. Убаво посолете го и зачинете го со мелен бибер.
3. На алуминиумска фолија наредете ги едно до друго парчињата мисиркино филе.
4. Врз нив ставете ги крем сирењето, моцарелата и сувите домати. Завиткајте го филето така што ќе формирате ролат.
5. Ролатот премачкајте го со масло, обложете го со фолија и ставете го да се пече во загреана рерна на 250 степени, 30 минути со фолија, потоа извадете ја фолијата, премачкајте го со мед и печете уште 10-15 минути без фолија.
Добар апетит!
(РЕЦЕПТ) ГОТВИМЕ СО ТЕА: Васина торта – кралица на тортите уште од 1908 година!
