Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
(РЕЦЕПТ) МАРТИНА НИ НАПРАВИ ВЕГАНСКИ КОЛАЧИЊА ОД САМО 3 СОСТОЈКИ: Се топат во уста!
Денес Мартина ни направи таљатели со пилешко и печурки во сос.
„Ова е нешто што мора да го пробате. Брзо, лесно и готово за неПОЛНИ 20 минути. Посебно љубителите на тестенини верувам ова мнооогу ќе ви се допадне. Јас лично ги обожавам комбинациите на паста со пилешко и сосче, а плус печуркии врвв“, вели Мартина.
Потребни состојки:
- таљатели или тестенини по избор
- 300 гр пилешко месо
- 100 гр печурки
- бешамел сос (млеко, брашно, масло)
View this post on Instagram
Подготовка:
Пилешкото исечете го на мали парчиња и ставете го во тава на малку масло и пропржете го. Додадете зачини по вкус и кога ќе е при крај пилешкото, додадете ги печурките, па додадете 2-3 лажици јогурт или павлака, па пржете дури не испари. Јогуртот или павлаката ќе го омекнат месото уште повеќе и е пре пре вкусноо. Тргнете го месото од тавата и ставете 2 лажици масло/путер и 2 лажици брашно, па постепено со постојано мешање додавајте по малку 2 шолји млеко. Оставете го сосот малку да повари и додадете го месото со печурките и претходно сварените тестенини. Јас користев таљатели, но вие можете и макарони, шпагети или пене. Наместо бешамел, може да ставите само неутрална павлака.
На здравје!
