Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта. Денес Мартина ни направи тортиља за брз доручек кој нема да ви одземе повеќе од 10тина минути.
Потребни состојки:
- 2 јајца
- спанаќ
- павлака
- кашкавал/моцарела
- тортиља
View this post on Instagram
Подготовка:
Најпрво изматете ги јајцата и ставете ги на тавичка на малце маслиново. Печете ги само од едната страна како омлет/палачинка на тивка температура, а во меѓувреме почнете со редење на состојките. Јас ставив спанаќ, премачкав со павлака и ставив парчиња кашкавал или моцарела. Преклопете и оставете неколку минутки. Во грил тавичка или на тостер ставете тортиља и во неа ставете го омлетот. Преклопете и потпечете од двете страни. Исечете го на парчиња, завиткајте го спакувајте го и имате брз, лесен и највкусен појадок кој ќе ве држи сити подолго време. Може дополнително да си земете и плус некоја лажица павлака како сосче за макање.
(РЕЦЕПТ) МАРТИНА НИ НАПРАВИ ПОСЕН ЛИМОН КОЛАЧ: Вкусен колач за со шолја кафе или чај
