Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта.
Денес Мартина ни направи бомбици – ем здрави, ем посни! Совршена комбинација на вкусови кои ќе ве освојат од прв залак. Ова е нешто што мора да го пробате.
Потребни состојки:
- 150 гр варен морков
- 1 полна лажица мед
- 30 гр мелени ореви
- 30 гр овесно брашно (мелени овесни снегулки)
- 30 гр кокос
- џем
- чоколадо
View this post on Instagram
Подготовка:
Многу едноставна и лесна постапка. Сварете го морковот и изгмечете го со вилушка или во блендер/сецко. Додадете го медот и останатите суви состојки. Замесете ја смесата и треба да е средно мека. Земајте по околу 1 лажица и оформете ја како на сликата на хартија на печење за полесна работа. На средина ставете по малце џем или свежо овошје. Преклопете и нежно оформете. За поубаво да ставите глазура кратко замрзнете ги бомбиците. Потоа само прелијте ги со чоколадо и тоа е тоа.
