Српската пејачка Рада Манојловиќ по долго време јавно прозборе за својот поранешен партнер и колега Милан Станковиќ, откривајќи ги причините поради кои тој реши целосно да се повлече од музичката сцена и од јавниот живот. На социјалната мрежа Икс, Рада застана во негова одбрана и истакна дека публиката сè уште неизмерно го сака и со нетрпение го очекува неговото враќање.
Пејачката се осврна на притисокот со кој Станковиќ се соочувал на врвот на својата кариера:
„Само оној што беше сведок на тоа време може да разбере зошто се повлече. Истите оние што го сатанизираа поради изгледот и целата негова појава, идеи и визија, и ден-денес живеат од неговата изолација. Парадокс. Луѓето го сакаат и едвај чекаат да се врати, тоа е најважно“.
Покрај естрадните притисоци, познато е дека врз животот и карактерот на Милан длабок белег остави и неговото тешко детство. Тој израснал без татко, додека неговата мајка работела макотрпни работи, чистела по куќи и се задолжувала за да ги прехрани него и неговата сестра.
Пејачот во една прилика призна дека писмата што татко му ги праќал од затвор му нанеле голема траума и чувство на инфериорност меѓу врсниците, што дополнително влијаело врз неговиот животен пат.
