Популарниот пејач Саша Ковачевиќ за првпат јавно ја потврди веста дека ќе стане татко. Тој се појави на концертот на младиот колега Јаков Јозиновиќ во придружба на својата свршеница Зорана, каде што не ја криеше среќата за новата животна улога.
Ковачевиќ призна дека со Зорана, со која е во врска девет години, подолго време планирале потомство.
„Искрено, останав без текст кога дознавме. Пресреќен сум што ќе станам татко. Ние сме тим и функционираме одлично, а иако Зорана сега е во период кога и пречат одредени мириси и храна, се трудиме да балансираме“, изјави пејачот.
Одговор до Ѓоле Ѓогани
Саша не остана должен ниту на прозивките од Ѓоле Ѓогани, кој неодамна го критикуваше него и Дадо Полумента дека кариерите ги изградиле на препеани туѓи песни.
„Не би се согласил дека тоа почна од мене, многу постари колеги го правеа истото уште во 80-тите. Ништо не е украдено, сè е авторски платено. Музиката треба да нè спојува, а не да нè раздвојува“, дециден е Ковачевиќ.
