Здравиот разум и искуството ни кажуваат дека облеката што ја носиме влијае на нашиот начин на размислување.
Без разлика дали станува збор за професионален готвач кој носи престилка или лекар со бел мантил, работната облека ни помага полесно да се „внесеме“ во професионалната улога.
Во едно истражување објавено пред скоро една деценија, истражувачите од Универзитетот Нортвестерн во Илиноис, САД докажаа дека испитаниците биле подобри во извршувањето на работните задачи кога биле облечни во соодветната униформа.
Други истражувања на американски истражувачи спроведени во 2014 година откриле дека волонтерите имале подобри преговарачки перформанси (и имале поголемо ниво на тестостерон) кога носеле цено одело, во споредба со другите што носеле тренерки.
Значи, иако вашите колеги не можат да ве видат во пижами, удобно сместени во вашиот кревет или дневна соба, сепак треба добро да размислите дали работното време треба да го поминувате облечени во пижами.
Внимавајте, можете да ја изгубите психолошката корист од облекувањето за на работа. Сепак, мозокот е навикнат дека пижамите се поврзани со спиење и инцерција, со што суптилно ќе ја намали вашата концентрација а со тоа и продуктивност во текот на работниот ден.
Покрај облеката, други совети за зголемување на продуктивноста кога работите од дома вклучуваат и одвојување од социјалните мрежи, телевизија, семејството и пријателите за време на работните часови.
Преземено од Слободен Печат.
