Војводата и војвотката од Сасекс, принцот Хари и Меган Маркл имаат намера да се преселат во Лос Анџелес, пренесува порталот ТМЗ.
Извори блиски до парот изјавиле за ТМЗ дека Меган и Хари почнале да бараат куќа во Холивуд откако се откажале од барањето дом во Малибу. Прв приоритет на парот е идејата за приватност и удобност, далеку од љубопитните очи. Домот во Холивуд би им овозможил да присуствуваат на многу настани во центарот на филмскиот свет и гламурот.
Меган Маркл и принцот Хари досега престојувале, според извори на ТМЗ, во замокот на актерот и драматург Тајлер Пери во Беверли Риџ Естејтс, уште од 2020 година, сосема незабележливо и со огромна приватност. Сега пак, кралската двојка сака да се преселат на слична локација со врвна приватност и безбедност.
Принцот Хари и Меган Маркл се венчаа на 19 мај 2018 година во замокот Виндзор. На прославата беа поканети 2,6 илјади гости, меѓу кои Викторија и Дејвид Бекам, Елтон Џон, Опра Винфри, Серена Вилијамс, Џорџ и Амал Клуни и други ѕвезди. Свадбата на војводите од Сасекс ја чинеше британската каса 43 милиони долари.
