Високи членови на кралското семејство не планираат да комуницираат со принцот Хари за време на неговата посета на крунисувањето на Чарлс III, пренесува британски Мирор.
Според упатените, принцот Хари го чека „ладен прием“ за време на неговата посета на крунисувањето на неговиот татко.
Високи членови на кралското семејство „не се заинтересирани да разговараат со Хари надвор од најосновните честитки“, изјави извор од палатата за новинарите. Тој додаде дека војводата од Сасекс може да смета на комуникација со принцезите Беатрис и Евгенија, со кои останал во пријателски односи.
Британски „Експрес“ вчера објави дека престојот на принцот Хари во Вестминстерската опатија за време на крунисувањето на Чарлс III ќе биде внимателно структуриран за да не се преклопува со неговиот постар брат Вилијам. Помладиот син на кралот Чарлс III ќе седне неколку редови подалеку и поназад од постарите членови на кралското семејство, додека седиштата ќе бидат уредени така што браќата нема да можат ни да си ги вкрстат погледите, за да не бидат уловени од камерите доколку си разменат лути погледи.
Претходно беше објавено дека принцот Хари нема да учествува во кралската поворка по крунисувањето.
